Nov 22, 2011

என்னை யாரென்று எண்ணி எண்ணி!


”ஹலோ”

“ஹலோ”

“ஹலோ, சொல்லுங்க”

“ஹலோ”

“ம்ம்... சொல்லுங்க”

“அப்புறம், எப்படி இருக்கீங்க”

“நல்லா இருக்கேன், சொல்லுங்க”

“நான் எப்படி இருக்கேன்னு கேக்க மாட்டீங்களா?”

“சொல்லுங்க. எப்படி இருக்கீங்க?”

“நல்லாதான் இருக்கேன். யாருன்னு தெரியுதா?”

“தெரியலைங்க. உங்க நம்பர் என் மொபைல்ல இல்லை. ரெண்டு மூணு மொபைல் மாறினதுல சில நம்பர்ல்லாம் மிஸ் ஆகிடுச்சி”

“ஓ! அப்போ நாங்க எல்லாம் முக்கியமான ஃப்ரெண்ட்ஸ் இல்லையா?”

“யார் பேசறீங்க?”

”கொரல் தெரியலையா”

“தெரியலையே”

”என் நம்பரை எப்படி மிஸ் பண்ணலாம்”

“நீங்க யாருன்னே தெரியலையே”

“கொரல் நிஜமாவே தெரியலையா?”

“இல்லை தெரியலை”

“நான் உங்க ஃப்ரெண்டோட ஃப்ரெண்டு”

“ஓ!”

“மாதவரத்துலதானே இருக்கீங்க?”

“இல்லை, நான் மடிப்பாக்கம் வந்து வருஷமாச்சு”

“என் கொரல் நிஜமாவே தெரியலையா”

“டேய் முண்டகலப்ப! நான் சொல்றது புரியலை. தெரியலைடா எழவெடுத்த பன்னி”

“யேய்! என்னய்யா திட்டற? நான் பாலாஜி பேசறேன். ஆஃபீஸ் மாறினா மேனேஜர் கொரலை மறந்துடுவியா?”

“டேய்! பொறம்போக்கு யார் பேரை சொல்லி வெளையாடுற? பாலாஜி சார் கொரல் எனக்குத் தெரியாதா?”

”இல்லைப்பா நான்தான் பேசறேன்”

“நான்தான்’னு சொல்ற பேமானி எல்லாம் பாலாஜி சார் ஆகிடுவானாடா பொறம்போக்கு?”

“இல்லைய்யா... நான் பாலாஜிதான்...”

“நிறுத்துடா நாரப்பயலே! என்ன வேணும் உனக்கு? போலீஸ்ல கம்ப்ளெயிண்ட் பண்ணனுமாடா பன்னாடை?”

“ஆண்டவா!”

“ஆண்டவனா? அவனை ஏண்டா இழுக்கற வெண்ணவெட்டி. வைடா ஃபோனை !“



பி.கு 1: போன் மாற்றுவது, தொலைவது, நம்பர்கள் மிஸ் பண்ணுவது சகஜமான இந்தக் கலி காலத்தில் இனிமே எவனாவது ஃபோன் போட்டு பேர் சொல்லாம கலாட்டா பண்ணினா அவனுகளுக்கும் இதே கதிதான்.

பி.கு 2: அயாம் சாரி பாலாஜி சார், உங்களை கொஞ்சம் ஓவராத்தான் திட்டிட்டேன். ஆனா, இனிமே நீங்க யார்கிட்டயும் இப்படி வெளையாட மாட்டீங்கன்னு நம்பறேன்

பி.கு 3: இங்கே நான் கெட்ட வார்த்தைத் திட்டல்களை எடிட் செய்திருக்கிறேன்.

No comments:

Related Posts Plugin for WordPress, Blogger...