Mar 3, 2011

உலகக்கோப்பை - அதிர்ச்சி வைத்தியம் ஆரம்பம்!

நாம் எல்லோரும் ஆவலாக எதிர்நோக்கியிருந்த அப்செட் ரவுண்ட் ஆரம்பமாகியிருக்கிறது!

ஒவ்வொரு உலகக்கோப்பையிலும் இது போன்ற சின்ன அணிகள் ஜாம்பவான் அணிகளை வீழ்த்துவது சகஜம் மற்றும் இது காலம்காலமாக நிகழ்ந்துவரும் சம்பிரதாயம் (!) எனலாம். சென்ற உலகக்கோப்பையில் இந்திய, பாகிஸ்தான் அணிகளை முதல் ரவுண்டிலேயே வெளியேற்றிய புண்ணியம் இதுபோன்ற அதிர்ச்சி வைத்தியங்கள் தந்த குட்டி அணிகளைச் சேரும்.

கெவின் ஓ'பிரெயின் ஆடிய ருத்ரதாண்டவ ஆட்டத்தைக் கண்டவர்கள் புண்ணியம் செய்தவர்கள். உலகக் கோப்பையின் அதிவேக சதம் அடித்த (50 பந்துகளில் சதம்) கெவினின் ஆட்டம் கிரிக்கெட் உள்ளவரை மறக்க இயலாதது. கெவினுக்கு அடுத்து குறிப்பிடத் தக்கவர் ஆல்ரவுண்ட் அசத்திய பண்ணிய மூனி. அவர் சாய்த்த நான்கு விக்கெட்டுகள் மற்றும் கடைசி கட்டத்தில் அவர் குவித்த முப்பத்து மூன்று ரன்கள் அயர்லாந்து ஆட்டத்தின் அதிமுக்கிய அம்சம். மூனிக்கு இணையாக பாராட்டப் படவேண்டியவர் ஆறாம் விக்கெட்டுக்கு கெவினுடன் சேர்ந்து நூற்று அறுபது ரன்கள் சேர்த்த க்யூசாக். ஆக மொத்தத்தில் ஒரு அற்புத விருந்து படைத்தனர் அயர்லாந்து அணியினர்.

இரண்டு அருமையான 300+ சேஸ்'களை விருந்துபடைத்து பெங்களூரு மைதானம் இந்த உலகக் கோப்பைக்கு விறுவிறுப்பு கூட்டியிருக்கிறது!    

மேலும் சுவைகள் பலவற்றை எதிர்நோக்குவோம்.









படங்கள் நன்றி: க்ரிக்இன்போ
.
.
.

3 comments:

தமிழ்வாசி பிரகாஷ் said...

உண்மையிலே கலக்கமா இருக்கு

வலைச்சரம் பொறுப்பாசிரியர் சீனா எக்ஸ்க்ளுசிவ் பேட்டி! விரைவில்,
மேலும் விபரங்களுக்கு மேற்கண்ட LINK- ஐ பார்க்கவும்.

Senthil said...

keep going!!!!!!

senthil, doha

Rathnavel Natarajan said...

அயர்லாந்த் நாட்டிற்கும் இங்கிலாந்து நாட்டிற்கும் நமக்கும் பாகிஸ்தானுக்கும் உள்ள உறவு போல் தான் என நினைக்கிறேன்.

Related Posts Plugin for WordPress, Blogger...