இரு கவிதைகள்

வலி பொறு

திராவக வீச்சத்தொடே
இந்த இன்னொருவனும்.
ஆதிநாள் வாசம் இன்றும்
நெஞ்சில் எழும்ப
சொல்லிக்கொள்ளாமல்
கண்ணிலே நீர்
வலிபொறுக்கச் சொல்லும்
இந்தப் பொறுக்கியிடம்
என் அசட்டுச் சிரிப்பினூடே
எப்படிக் கேட்பேன்
எந்த வலியை என?



எலக்கிய எளவல்...


கவிதை வருமா?
வாசிக்க வரும்
கதை?
அதுவும் வாசிக்க மட்டும்...
கட்டுரை எழுத?
ஏதோ சுமாரா...
எழுத்தாளனா நீ?
பின்ன?
மூணும் சரியா வர்லியே?
திட்ட வருமண்ணே?
விமர்சனம் சொல்றியா?
திட்ட... திட்டறதை சொன்னேன்.
அட எலக்கியம்... உள்ள வா தம்பி!